قصة الراب الليبي

يا اولاد جى الوقت الى لازم تعرفو فيه قصة الرونق واى لانه انتم كلكم طالمين الدبل زيرو
وبي الدات كوييينر

و لازم تعرفو انه الكلام الى نقول فيه مش كدب و لا كلام هكى فاطى لا هادا كلام حقانى و ربى شاهد عليه

الرونق واى قروب يغنى فى الراب يسكنو فى جنزور فى عمارات المصرية و هما مش مشهورين حتى فى شارعهم او بالاحرى ميطلعوش من الحوش بكل .

كيف الناس عرفتهم او انتم كيف عرفتوهم؟

الناس عرفتهم من حفله دارها الدبل زيرو فى جنزور و كانو هما من المتفرجين فا صار موقف انه الدبل زيرو كان فوق الستيج و يغنى فى اغنية 45/5

و قعد يتسهوك عليهم فى الاغنية و طحك عليهم الجمهور و هما بعدها طلعو من الحفلة
قداش ليهم يغنو ؟

هما كانو يعكسو فى قهوة اسمها السياحى فى شارع النصر بحدى نادى المجد و كانو يغنو فرى ستيل بس هما و قروبهم و دسكة يغنو من 96 هادى كدب لانها لو صح راهو عندهم هلبة البومات و يكونو منشورات اقل حاجه فى شارعهم و بعدين منقولة فى الاجهزة عند الناس و من واحد لى واحد

لاكن هادا كله مفيش منه و بعدين انتم ركزو فى اعمارهم و عدو السنين و مش معقولة يكونو بصغر هادا و هما يسمعو فى الراب

شنى قصة دبل زيرو معاهم و كيف خنب منهم اللحن و كيف الكلام الى صار فى الاغنية ؟

القصة و ما فيها انهم كدابين لان اصلا اولا اللحن كان فرى فى النت ولمدة اسبوعيين و الصدفة انه
دبل زيرو نزله و غنى عليه و هما بعدها نزلوه و سجلو عليه

باهى نفرضو انه الدبل زيرو خنب منهم اللحن قولولى كيف؟

بالله عليكم ركزو معاى كانا الدبل زيرو متعرك معاهم هل من المعقوله انه يقعمز معاهم و ياخده من الجهاز و هما ميعرفوش مش معقولة الصح هو الى حكيتهولكم هو النت تقدر تقعمز حتى انت و تاخد و تنزل و عادى

و الكلام الى صار فى الاغنية منهم كلة كدب متاع هارب فى السيارة و فكك من التلقيح خير ما يصير فيها التشليح

على قصه التشليح عندكم علم انه الدبل زيرو مشالهم غادى فى جنزور و معرفش حوشهم لين ورتهولة مراة مصرية و طقطق على حوشهم و نزلو تحت حوشهم و الدبل زيرو قاللهم بلحرف الواحد
(شنى الجو شنى الجو الجو مش مليح فكك من التلقيح خير ما يصير فيها التشلبح ... باهى انا تو فى شارعكم
و انى هربت بالسيارة و تو ورونى كيف بتشلحونى )

مشى رد علي عليه حلدون قاله و هو يرعش : حنى مش قصدنا بلكلام الى قولناه حنى قصدنا بش الاغنية تولى مليحه و فى الرب بس مش قاله الدبل زيرو

مالا العب ارضى خيلك لانه صقع عليك ولاد البلاد

و من هداكا اليوم الرونق واى معاش نزلو لى شارع النصر و معاش غنو الا اغنية وحده بس و تو وينهم

و كانو هما لما يجو يقعمزو فى القهوة قانو يتجكترو و يطحكو على الليبيين لاكن فى يوم الدبل زيرو مسح بيهم بفرى ستيلا فى نفس القهوة لين بعدها روحو
و مازال عندى ليكم مفاجاة تانية :

عندكم علم ان الرونق واى خانبين اغنيى لدبل كانو كانا تعرفوه

عندهم اغنية اسمها دريم كلمات الاغنية نفسها مغنيها الدبل كانو فى وحده من اغانيه

فلهادا متطلموش الدبل زيرو و ممكن فى منكم يقول انه ميعرفش يغنى و فى الى ميحباش لاكن

معمره الراب كان هكى

و اما كوينر هدا الكلام كله اللي قاله اشعات بتع الدبل زيرو خنب من الرشيد و علقو عليه و ضربوه و الكلام اللي قاله على خوات يحى كلها اشعاتو تلفيق و المشكلة انه الناس كلهم مصدقينه
و ان شاء الله ماطولتش عليكم

والله كلامك صح وهذا الشعب الليبي اي حاجة يصدقوها..

من الاخير الليبين معندنش فى الراب كيف طالعنا فى 2007 يغنو وكل الكلام الى يقلو فيه منقول من فرقة عربية ثانيه